Нүүдэлчин Рубик шооны клуб

Рубикийн шоо нь 1974 онд Унгарын зохион бүтээгч, архитектор Рубик Эрнёгийн бүтээсэн гурван хэмжээст эвлүүлдэг тоглоом юм. Анх "Шидэт шоо" гэдэг нэртэй байв.1944 оны 7 сарын 13-нд Унгарын Будапешт хотноо, ирээдүйд Рубик шоог зохион бүтээх хувьтай Рубик Эрнё Рубик хорвоо дээр мэндэлсэн юм. 1975 Рубик шооныхоо төслөө хэрэгжүүлж эхэлжээ. Тэр энэ ажилдаа нэгээс илүү жилийг зарцуулсан байна. Тэр 3х3х3 шоог хийхээс өмнө 2х2х2 дээр ажиллаж эхэлжээ. Энэ нь ч түүнд туршлага болсон аж. Тэр бүх тал нь эргэдэг шоог бүтээчихлээ. Дараа нь шоог яаж бүх тал нь ижил байхаар эвлүүлэх вэ гэсэн асуудал гарч ирлээ. Энэ асуудлыг шийдэхээр Эрнёд түүний найзууд болон сурагч нар нь тусалжээ. 1996 онд АНУ-д ойролцоогоор 300 мянган шоо зарагдсан бөгөөд энэ тоо өсөж эхэлсэн байна. Бас Англи, Японд 100-гаад мянган шоо зарагдсан аж. 21-р зуунд "Дэлхийн шооны холбоо" (WCA) байгуулагджээ. Энэ холбоо нь албан ёсны дүрмээр тэмцээнүүдийг зохиодог юм. Хүмүүс шооны рекордуудыг ар араас нь эвдсээр л байлаа, тэдний амжилтын зорилго нь 10 секундэд ойртож байлаа. Ингээд 2007 оны 5 сарын 5-нд Францын Тибо Жаклино 9.86 секундэд эвлүүлж, арваас доош секундэд шоог эвлүүлж чадсан анхны хүн болжээ.