Sky Resort

Улаанбаатар хотын хамгийн их баяр баяслаар дүүрэн газар бол Sky Resort цанын бааз. Та бүхнийг хотоос хамгийн ойр зайд гэр бүл, найз нөхөд, хамт олноороо зочлон цэвэр агаарт цана чарга, сноубоардаар гулгаж, амтат хоол, халуун ундаа зооглон энэ өвлийн хамгийн сайхан цаг мөчүүдийг хамтдаа өнгөрөөхийг урьж байна. 

Уулын цанаар гулгах нь өвлийн улиралд гэр бүл, найз нөхдийн хамт байгалийн сайханд цагийг өнгөрөөн хөгжилдөхийн зэрэгцээ эрүүл мэнддээ анхаарахад хамгийн тохиромжтой. Тийм ч учраас дэлхий даяар хамгийн түгээмэл тархсан, үзэгчдийн сонирхлыг хамгийн ихээр татдаг өвлийн олимпийн төрлийн спортуудын нэг юм. Өвлийн сэнгэнэсэн агаарт, шинэхэн цасан дээгүүр сноубоардаар уулын уруу саад тотгорыг тойрч, эргэлт, үсрэлтүүдийг төгс гүйцэтгэн хурдлахаас илүү сэтгэл сэргээж, догдлуулах мэдрэмж ховор. Сноубоардаар гулгасны дараа хэний ч стресс, ядаргаа тайлагдан амарч, тайвширсан байдаг.