Ub Hiking club/ Улаанбаатар аялагч клуб

“Улаанбаатар Залуусын Оролцоо” ТББ-ын дэргэдэх  “Улаанбаатар аялагч” клуб нь /UB HIKING CLUB/ 2013 оны 01 дүгээр сарын 06-ны өдөр 15 хүний бүрэлдэхүүнтэй үүсэн байгуулагдаж өнөөг хүртэл идэвхтэй, тасралтгүй үйл ажиллагаа явуулж байна. Байгуулагдсан цагаас одоог хүртэл 7 хоногийн ням гараг бүр явган аялал, алхалтыг зохион байгуулж нийслэлчүүдийг идэвхтэй амралтын хэвшилд уриалан ажиллаж байна. Мөн 2018 оны 11 дүгээр сарын 10-ны өдөр ЭМЯ, ДЭМБ-аас хамтран зохион байгуулсан “ӨДӨРТ 10000 АЛХАМ” эрүүл мэндийн өдөрлөгөөр Эрүүл мэндийн сайд Д.Сарангэрэл, ДЭМБ-ын Суурин төлөөлөгч Сергей Диордица нартай манай клуб алхсан алхалтыг хэвшил болгон пүрэв гараг бүр зохион байгуулж алхсаар албан ёсны алхалт болгосон. Мягмар гарагийн өглөө эртэч Улаан баатарчууддаа зориулан "Өглөөний цай" алхалтыг албан ёсны алхалт болгон нийслэлчүүдийг идэвхтэй амралтын хэвшилд уриалан ажиллаж байна. Мөн гүйлт сонирхогч гишүүддээ зориулан бямба гарагийг гүйлтийн өдөр болгон зарласнаар долоо хоногт спортлог өнгөрүүлэх өдрийн тоо нэгээр нэмэгдлээ.

Эрүүл амьдрал, идэвхтэй амралт, адал явдал эрэлхийлэгч Улаанбаатарчууд нийгэмдээ цэвэр агаар, эесэг сэтгэлийг түгээж байна.

- Эрүүл бие организм, саруул ухааныг эрхэмлэх
- Уулын болон явган аялалын ач тусыг сурталчлах, дэлгэрүүлэх
- Байгалийн үзэсгэлэнт болон түүхт газраар аялах
- Идэвхтэй амарч, чөлөөт цагийг зөв боловсон өнгөрүүлэх
- Иргэдийн амрах, эерэг дуу хоолойгоо нэгтгэх орчин байх
- Хүрээлэн буй орчин болон байгаль экологитой харьцах, зөв аялах соёлыг дэлгэрүүлж, хөгжүүлэх

Спорт авиралтын хана босгох хандивын үйл ажиллагаа

ТӨСЛИЙН ЗОРИЛГО: Олон Улсын Спорт Авиралтын Холбооны (iFSC) стандартын шаардлага хангасан, олон улсын уралдаан тэмцээн зохион байгуулах боломжтой спорт авиралтын төвийг барьж ашиглалтад оруулан Олимпын төрөл болох “Спорт авиралтын төрөл”-үүдийг олон нийтэд таниулах, дасгалжуулагч, шүүгч, зам тавигч мэрэгжлийн түвшинд бэлдэх, өсвөрийн тамирчдын чансааг дээшлүүлж, олон улсын тэмцээн уралдаанд бэлдэх гол зорилготой.